USAID Xorazm viloyati silga qarshi kurashish dispanseri bilan hamkorlikda 2016-yilning 21—22-iyul kunlari Urganch shahrida va Xorazm viloyatining Bog‘ot tumanida “salomatlik yarmarkalari”ni o‘tkazdi. Bu haqda USAID’ning silga qarshi kurash bo‘yicha dasturi “Daryo”ga ma’lum qildi.
Tadbirda silga chalingan bemorlar, ularning oilalari va mahalla vakillari ishtirok etdi. Bu kabi yarmarkalar mahalla aholisini xastalikka qarshi kurashishga jalb etishga, ularning kasallikning oldini olish choralari va davo usullari haqida xabardorligini oshirish, shuningdek, silga chalingan bemorlar va ularning oilalariga zarur yordam ko‘rsatishga imkon tug‘diradi.
USAID’ning ko‘magi bilan joriy yilda Buxoro, Qashqadaryo, Xorazm va Navoiy viloyatlarining barcha 49 ta tumanida bo‘lib o‘tadigan “salomatlik yarmarkalari”da uch mingdan ortiq bemor va ularning oila a’zolari ishtirok etadi.
USAID jami budjeti 7,6 million AQSh dollaridan iborat besh yillik dastur yordamida O‘zbekiston hukumatining silga qarshi kurash bo‘yicha sa’y-harakatlarini qo‘llab-quvvatlamoqda.
Izoh (0)