Eronda yuqori miqdorda maosh olgan mansabdorlardan pul mablag‘lari musodara qilina boshladi, deb yozadi “TASS” Islom Respublikasi sud hukumati rasmiy vakiliga tayanib.
Uning so‘zlariga ko‘ra, Milliy taraqqiyot fondi Boshqaruv kengashining to‘rt nafar sobiq a’zosi davlatga 1 milliard tuman (taxminan 285 ming dollar) qaytargan. Fond rahbariyatining iste’foga chiqarilgan beshinchi a’zosi esa ayni paytda chet el safarida bo‘lib, qaytganidan so‘ng undan ham daromadining bir qismi olib qo‘yiladi.
Eron Hisob palatasi daromadlari oshiqcha bo‘lgan 900 shaxsdan iborat ro‘yxatni tuzgan, ammo hozirgacha sud hukumatiga neft vazirligi xodimlari ro‘yxatigina taqdim etilgan, u 50 kishini o‘z ichiga oladi. Gumonlanuvchilarning qolganlariga nisbatan audit tekshiruvlari davom etmoqda.
Izoh (0)