Gaitida o‘tgan hafta oxiridan buyon yoqqan jala odamlarning qurbon bo‘lishiga va moddiy zarar yetishiga sabab bo‘ldi. Bu haqda, Prensa Latina agentligi ma’lumotiga tayanib, “TASS” xabar beradi.
Jala keltirib chiqargan suv toshqini va turar-joy binolarining qulashi oqibatida to‘qqiz kishi halok bo‘ldi, o‘nlab odamlar shikastlanish oldi. Shu bilan birga 2 860 ta uyni suv bosgan, 52 ta uyga zarar yetgan va 15 tasi vayron bo‘lgan.
Noqulay ob-havo tufayli bir hafta avval Gaiti sohillari yaqinida kichikroq yelkanli kema cho‘kib ketgan edi. Dastlab 21 kishining halok bo‘lganligi xabar berilgandi. Biroq hukumat hodisa oqibatida to‘qqiz kishining qurbon bo‘lganligi, qolganlar koma holatida ekanligini ma’lum qildi.
Izoh (0)