“Tashabbus—2016” ko‘rik-tanlovi g‘oliblari nomi 6-aprelda ma’lum bo‘ladi

Vazirlar Mahkamasining O‘zbekiston Prezidenti sovrini uchun tadbirkorlar, fermerlar va hunarmandlar o‘rtasida “Tashabbus—2016” ko‘rik-tanlovini o‘tkazish bo‘yicha farmoyishi 25-fevral kuni tasdiqlandi, deya xabar berdi O‘zbekiston Savdo-sanoat palatasi matbuot xizmati.

Hujjatda belgilanishicha, tanlov uch bosqichda — tuman (shahar) bosqichlari (29-fevraldan 6-martgacha), viloyatlar, Qoraqalpog‘iston Respublikasi va Toshkent shahar bosqichlari (9–17-mart kunlari) va respublika bosqichi (24-mart — 6-aprel)da bo‘lib o‘tadi.

Respublika bosqichida 24—25-mart kunlari tanlovning ochilish marosimi va ko‘rgazmasi bo‘lib o‘tadi, 6-aprel kuni esa tanlov g‘oliblarini taqdirlash marosimi tashkil etiladi.