Anqaraning Suriya nizolaridagi ishtiroki Turkiya va Rossiya o‘rtasida “urush xavfi”ni keltirib chiqarmoqda. Bu haqda Fransiya prezidenti Fransua Olland aytib o‘tdi, deb yozadi “Vedomosti”.
“Turkiya Suriyadagi voqealarga aralashib qolgan… U yerda urush xavfi bor”, — dedi Olland. U bu bevosita emas, “ehtimol, bilvosita urush” bo‘lishini istisno qilmadi.
“Turklar o‘zlari bo‘lishi kerak bo‘lmagan joyda bo‘lmasligi kerak, ruslar esa terrorchilikka qarshi kurash bahonasi ostida Bashar Asad rejimini qo‘llab-quvvatlamasligi kerak”, — dedi Olland. Uning fikricha, Rossiya bir tomonlama tartibda Asadni qo‘llab-quvvatlashda davom etsa, vaziyatni boshqara olmay qoladi.
U Putinga siyosiy o‘tish jarayoniga erishish uchun birga harakat qilish zaruratini aytish maqsadida Moskvaga shaxsan o‘zi borganini ta’kidladi. Xuddi shu maqsadda u Moskvaga bosim o‘tkazishga chaqirdi.
“Muzokaralar qayta boshlanishi, bombardimonlar to‘xtashi kerak, yordam kelishi kerak”, — deya Suriyadagi vaziyatni tartibga solish jarayonini ta’rifladi Olland. Suriya muxolifati bilan muzokaralar 25-fevralgacha to‘xtatib qo‘yilgan edi.
Izoh (0)