Yagona portalda soliq to’lovchining identifikatsiya raqamini (STIR) olish mumkin bo‘ldi

O‘zbekiston Respublikasi Davlat soliq qoʻmitasining yangi xizmati respublika fuqarolariga soliq to’lovchining identifikatsiya raqamini (STIR) olish imkoniyatini beradi. Bu haqda “Elektron hukumat” tizimi matbuot xizmati xabar bermoqda.

Ushbu xizmat Oʻzbekiston Respublikasi Vazirlar Mahkamasining “Oʻzbekiston Respublikasida soliq toʻlovchilarning identifikatsiya raqamlarini berish va qoʻllash tizimi toʻgʻrisida” va boshqa normativ-huquqiy aktlarga muvofiq joriy etilgan.

Xizmatning natijasi boʻlib jismoniy shaxslarni davlat soliq xizmati organlarida hisobga olish va ularga STIR berish hisoblanadi.

Xizmat bepul boʻlib, faqat jismoniy shaxslarga koʻrsatiladi.