O‘zbekiston Gidrometeorologiya xizmatining ma’lum qilishicha, Termizda 9-yanvar kunduz kuni havo harorati 19 darajagacha issiq bo‘ldi. Bu haqda UZ24 xabar beradi.
Oxirgi marta bunday issiq ob-havo 1984-yilda qayd etilgan bo‘lib, o‘shanda havo harorati 18,4 darajani tashkil etgan edi.
Havo haroratidagi bu kabi rekord mamlakatda Yangi yildan oldingi kunlardayoq yuzaga kelgan iliq ob-havo anomaliyasi davomida qayd etildi.
Sinoptiklar ma’lumotiga ko‘ra, 12—13-yanvar kunlari mamlakatdagi havo harorati kechasi 0—5 daraja, kunduzi 8—13 daraja issiqni tashkil etadi.
Avvalroq, Samarqandda ham 2-yanvar kuni havo harorati 21,3 rekord darajaga ko‘tarilgan edi.
