Bugun,

  • USD 11095.31
  • RUB 173.84
  • EUR 10772.44

Tojikiston prezidenti Emomali Rahmon 1-sentabr kuni O‘zbekiston Prezidenti Islom Karimovga tabrik telegrammasini yo‘lladi. Bu haqda, Tojikiston prezidenti matbuot xizmatiga asoslanib, “Nm.tj” xabar bermoqda.

Foto: nm.tj

Foto: nm.tj

“Xalqlarimizni bog‘lab turuvchi mustahkam do‘stlik va qo‘shnichilik munosabatlari, tarixan shakllangan ma’naviy-madaniy aloqalar davlatlararo muloqotning muvaffaqiyatli rivoji uchun ishonchli asos bo‘lishi kerak”, — deyiladi Tojikiston prezidentining O‘zbekiston mustaqilligining 24 yilligi munosabati bilan yo‘llagan tabriknomasida.

Rahmonning so‘zlariga ko‘ra, Tojikiston “ko‘p tarmoqli o‘zbek-tojik hamkorligining to‘xtovsiz rivojiga katta e’tibor qaratadi va uning yanada rivojlanishi hamda aniq mundarijaga ega bo‘lishi uchun harakat qiladi”.

“So‘nggi yillarda ikki tomonlama munosabatlarda kuzatilayotgan ijobiy o‘sish uning keyingi rivoji xususida umid uyg‘otadi. Mamlakatlarimiz o‘rtasidagi o‘zaro manfaatli munosabatlarni yanada kengaytirish va chuqurlashtirish uchun imkoni bor barcha choralarni ishga solishga tayyor ekanligimizni alohida qayd etishni istardim. Xalqlarimiz o‘rtasidagi ko‘p asrlik do‘stlik qadriyatlari mustahkamlanishi va boyishi uchun Siz bilan birga barcha kuchni sarflashga tayyorman”, — deb yozadi Emomali Rahmon.

Tojikiston rahbari “O‘zbekistonning rivojlanishi yo‘lida” mustahkam sog‘liq, baxt va yangi muvaffaqiyatlar, “do‘st O‘zbekiston xalqiga esa tinchlik va farovonlik” tilagan.

Izoh
Asosiy yangiliklar
Kino
Roli sabab tomoshabinlar tanqidi va g‘azabiga uchragan mashhur aktyor va aktrisalar (foto)
Dunyo
Putinning askarlar onalari bilan uchrashuvi feykmi? Ushbu uchrashuvda aslida kimlar qatnashgani ma’lum bo‘ldi
Mahalliy
O‘zbekistonda 25-noyabr kuni 124 kishida koronavirus aniqlandi