Toshkentda “San’at haqida ma’ruzalar” loyihasi ishga tushiriladi

2015-yilning mart—aprelida Toshkent Fotosuratlar uyida Toshkentdagi Gyote-institut va O‘zbekiston Badiiy akademiyasining hamkorlikdagi “San’at haqida ma’ruzalar” loyihasi doirasida tasviriy san’at sohasidagi seminar-treninglar bo‘lib o‘tadi. Bu haqda “12news.uz” xabar bermoqda.

Loyiha doirasida seminar-trening ishtirokchilari o‘rtasida “G‘oyalar tanlovi” o‘tkazish rejalashtirilgan. Loyiha yakunlari bo‘yicha hakamlar hay’ati ikki nafar eng faol ishtirokchini tanlab oladi, ular 2015-yilning iyunida Germaniyaga tanishuv sayohatida qatnashish uchun tavsiya qilinadi.

Seminar-trening haqida batafsil ma’lumotni Gyote-institut saytida topish mumkin.