Krasnodarda sakkiz yoshli o‘quvchi trolleybus haydovchisining e’tiborsizligi tufayli og‘ir jarohat oldi. Bu haqda Rossiyaning Krasnodar o‘lkasi gubernatori Aleksandr Tkachev ma’lum qildi, deb xabar bermoqda “Interfaks”.
“Bola jiddiy jarohatlar bilan reanimatsiyada yotibdi, bir umrga nogiron bo‘lib qolishi ham mumkin. Krasnodar tramvay-trolleybus boshqarmasida esa faqatgina xizmat tekshiruvi o‘tkazishdi xolos”, − deb yozgan Tkachev o‘zining Twitter’dagi sahifasida.
Qayd etilishicha, voqea 30-yanvar kuni Krasniye Partizani ko‘chasida sodir bo‘lgan. Bola trolleybusga old eshikdan kirayotgan bo‘lgan, haydovchi esa uni ko‘rmagan va trolleybusni harakatlantirgan. Transport eshikka qisilib qolgan bolani 70 metrgacha sudrab ketgan. Jabrlanuvchi shifoxonaga boldir suyagi singan, ko‘plab jarohatlar olgan va buyragi zararlangan holda olib borilgan.
Izoh (0)