11-dekabr kuni Rossiyaning Yekaterinburg shahridagi “Kinochilar uyi”da O‘zbekistondagi Xo‘ja Gur-Gur ota massividagi tadqiqotlar boshlanishining 30 yilligiga bag‘ishlangan “Doimo Osiyo” hujjatli filmining premyerasi bo‘lib o‘tdi, deb xabar bermoqda “12news.uz”.
Bu hududdagi dastlabki g‘orlar 1984-yilda urallik g‘orshunoslar Igor Lavrov va Sergey Matryonin tomonidan ochilgan bo‘lib, keyinchalik ularning hamkasblari boshqa ko‘plab g‘orlarni topgan. 2014-yilgi ekspeditsiya vaqtida Larisa Pozdnyakova film uchun suratga tushirgan bo‘lsa, Svetlan Loginova nafaqat ssenariy yozgan, balki rejissyorlik ham qilgan. Ular O‘zbekistondagi g‘orlarda bir kilometrgacha chuqurlikka tushgan bo‘lib, endi ikki kilometrgacha borishni rejalashtirmoqda.
Dark Star (Qora yulduz) g‘ori Surxondaryo viloyatidagi Boysuntog‘ tizmasida joylashgan bo‘lib, unga kirish 3700 metr balandlikda, 300 metrlik devorning deyarli qoq o‘rtasida joylashgan. Ushbu g‘orning 2300 metrgacha bo‘lishi taxmin qilinayotgan chuqurligi jahon rekordini o‘rnatishi mumkin.
Izoh (0)