Rossiyaning Novosibirsk shahrida Xalqaro Boks federatsiyalari assotsiatsiyasi (AIBA) tomonidan tashkil etilayotgan yangi yo‘nalishdagi Pro Boxing (APB) turnirining ikkinchi bosqich janglari bo‘lib o‘tdi, deb xabar bermoqda UzReport.
Rio Olimpiadasi yo‘llanmalari o‘ynalayotgan ushbu turnirda o‘zbekistonlik bokschilar ham ishtirok etmoqda. 52 kg vazn toifasida ringga ko‘tarilgan O‘zbekiston vakili Jasurbek Latipov fransiyalik Reduan Asloumni 3:0 (60-54, 60-54, 60-54) hisobida mag‘lubiyatga uchratdi.
Ushbu vazn toifasining qolgan janglarida argentinalik Fernando Daniel Martines italiyalik Vinchenso Pikardidan 3:0 (57-57, 58-56, 58-56), qozog‘istonlik Ilyas Suleymenov jazoirlik Muhammad Flissini uchinchi raundda texnik nokaut bilan taslim etdi.
Qayd etish joizki, Jasurbek Latipov birinchi bosqichda aynan Suleymenovga imkoniyatni boy bergan edi. Ikki kun avval Xurshid Tojiboyev o‘zining yangi yo‘nalish turniridagi ikkinchi g‘alabasini tantana qilgandi. Oybek Mamazulunov esa irlandiyalik Jozef Uordga yutqazib qo‘ygandi.
Izoh (0)