“Boing-777” halokatga uchragan joyda o‘tkazilgan qidiruv ishlari davomida 20-noyabr, payshanba kuni yana odam jasadlari topildi, deya xabar bermoqda “Korrespondent.net” Niderlandiya hukumati saytiga tayanib.
Xabarda aytilishicha, payshanba kuni u yerdagi xavfsizlik bilan bog‘liq vaziyat beqaror bo‘lib qolishiga qaramay, qidiruv ishlari muvaffaqiyatli kechgan. To‘plangan samolyot qoldiqlari Xarkovga yuborilgan.
Jasadlar ham halokat joyidan dastlabki sud-tibbiy ekspertiza uchun Xarkovga jo‘natiladi, so‘ng Niderlandiyaga yetkaziladi.
Eslatib o‘tamiz, 17-iyul kuni Malaysia Airlines’ning Amsterdamdan Kuala-Lumpurga uchib ketayotgan “Boing-777” layneri Ukrainaning Donetsk viloyatida qulagan edi. Samolyot bortida bo‘lgan 298 kishining barchasi halok bo‘lgan.
Izoh (0)