Koreya Xalq Demokratik Respublikasi davlat mudofaa qo‘mitasi vakili Janubiy Koreya prezidenti Pak Kin Xe tomonidan BMT Bosh Assambleyasida qilingan “Shimoliy Koreyadagi yadro dasturini yo‘qotish va inson huquqlari bilan bog‘liq vaziyatni tuzatish zarurati to‘g‘risidagi” bayonotiga javob qaytardi, deb xabar bermoqda “TASS” agentligi.
Qo‘mita vakilining qayd etishicha, bunday bayonot Pak Kin Xening Shimoliy Koreyaga munosabati KXDRda ijtimoiy tuzumni izdan chiqarishga asoslangan. Jumladan, “inson huquqlari muammosidan mamlakatimizga qarshi siyosiy fitna uyushtirish maqsadida foydalanilyapti”, − deyiladi bayonotda.
Shuningdek, KXDR vatanni tinch yo‘l bilan birlashtirish qo‘mitasi ham Janubiy Koreya prezidentini tanqid qilgan. Pak Kin Xega ikkala davlatning o‘zaro munosabatlariga oid masalalarni xalqaro arenaga tashib chiqmaslik va Shimoldagi vatandoshlari sha’nini yerga uradigan bayonotlar qilmaslik tavsiya qilingan.