O‘zbekistonda Janubiy Koreya kompaniyasining so‘nggi mahsulotlaridan biri Galaxy Grand 2 smartfoni sotila boshladi. Bu haqda mobinfo.uz xabar berdi.
U Android 4.3 Jelly Bean operatsion tizimida ishlaydi va o‘tgan yilgi Samsung Galaxy Grand’ning ikkinchi avlodidir.
Yangi smartfon to‘rt yadroli protsessor, 5,25 dyuymli 720×1280 o‘lchamdagi sensorli displey bilan jihozlangan. 1,2 Gb tezkor va 8 Gb ichki xotiraga ega. Asosiy kamerasi 8, old kamerasi 1,9 megapikseldir.
Galaxy Grand 2 akkumulyatori quvvati soatiga 2600 milliamperni tashkil etadi. Smartfonga ikkita simkarta o‘rnatish mumkin. U HSPA standartidagi uyali tarmoqqa ham moslashadi. Qurilmaning o‘lchamlari 146,8×75,3×8,9 mm, og‘irligi 163 grammdan iborat.
Toshkentning “Fleshka” savdo majmuasida Samsung Galaxy Grand 2’ni 900 ming so‘mga xarid qilish mumkin. Taqqoslash uchun, Samsung Galaxy Grand ayni paytda 850 ming so‘mga sotilmoqda.