Avtobus faoliyati bilan bog‘liq shikoyatlar uchun yangi ishonch telefoni ishga tushirildi

“Toshshahartransxizmat” aksiyadorlik kompaniyasining  markaziy dispetcherlik xizmatida qisqa — 1062 raqami bilan yangi ishonch telefoni ishga tushdi. Bu haqda Gazeta.uz xabar berdi.

Ushbu raqam orqali shahar yo‘lovchi transporti faoliyati bo‘yicha taklif yoki shikoyat qoldirish mumkin. Bundan tashqari, 1062 raqami yordamida xuddi avvalgidek, taksi buyurtma qilish mumkin.

Eslatib o‘tamiz, 2013-yil oktabr oyida O‘zbekiston Prezidenti Islom Karimov Toshkentda yo‘lovchi transportini tashkil etish tizimini takomillashtirish bo‘yicha chora-tadbirlarni tasdiqladi. “Toshshahartransxizmat” uyushmasi tugatilib, uning bazasida shu nomdagi aksiyadorlik kompaniyasi tuzilgan edi.