Самарқанд вилоятининг Пайариқ туманида аёл туғуруқхона олдида чақалоғини дунёга келтириб, ҳожатхонанинг чиқинди қутисига ташлаб кетди.
“Zamon.uz”нинг хабар қилишича, аёлнинг қилмиши кузатув камералари орқали аниқланиб, ҳолатга аниқлик киритилган. Чақалоқ эса ўлик ҳолда топилган.
Самарқанд вилоят ИИБ ахборот хизмати айни пайтда экспертиза тайинланганини, боланинг тирик туғилгани ёки ҳомила нобуд бўлиб, кейин туғилгани аниқланганидан сўнг жиноят иши масаласи ҳал этилишини билдирган.
Соғлиқни сақлаш вазирлиги маълумотларига кўра, 2026-йилнинг илк кунида Ўзбекистонда 1094 нафар чақалоқ дунёга келган. Уларнинг 539 нафари ўғил, 555 нафари қиз фарзанд.
