Ўзбекистонда 2025-йилнинг ноябрь ойида энг кўп кешбэк олган ҳудудлар маълум қилинди. Бу ҳақда Солиқ қўмитаси хабар қилди.
Қайд этилишича, ушбу ойда 27 декабрь ҳолатига кўра, истеъмолчиларга 164,2 миллион дона чек учун 130,4 миллиард сўмдан ортиқ кешбэк тўланган.
Тўланган кешбэкларнинг энг катта қисми бўйича 37,6 миллиард сўм билан Тошкент шаҳри биринчи ўринни эгаллаган. Ундан кейинги ўринларда 19,3 миллиард сўм билан Фарғона ва 15,2 миллиард сўм қайтарилган Тошкент вилояти турибди.
Бундан ташқари, рўйхатдан ўтказилган чеклар учун истеъмолчиларга Қорақалпоғистонда 9 миллиард сўм, Самарқанд вилоятида 8,8 миллиард сўм кешбэк берилган.
Аввалроқ республикада 9 ойда қурилиш корхоналарига 300 млрд сўмдан ортиқ солиқ имтиёзи берилгани хабар қилинганди.
Ушбу муддатда 35 мингдан ортиқ ўзбекистонликка 153 миллиард сўмдан зиёд субсидия берилган.
