Ўзбекистон ҳудудига шанба ва якшанба кунлари нам ҳаво массаларининг янги қисми кириб келади. Бу ҳақда “Ўзгидромет” матбуот хизмати хабар берди.
Прогнозларга кўра, пайшанба куни ёғиб ўтган ёғингарчиликдан сўнг, жума куни кундузи Ўзбекистон ҳудуди бўйича ёғингарчиликсиз об-ҳаво бўлиши кутилмоқда. Ҳаво ҳарорати 0-5 даража илиқ, жанубда 6-9 даража илиқ атрофида бўлади.
Шанба ва якшанба кунлари республика бўйича вақти-вақти билан ёғингарчилик (ёмғир, қор) бўлиши кутилмоқда. Ҳаво ҳарорати кечалари 0-5 даража совуқ, кундуз кунлари 0-5 даража илиқ атрофида бўлади. Республика бўйича баъзи жойларга туман тушади.
Тоғли ҳудудларда вақти-вақти билан қор ёғади. Кутилаётган ёғингарчилик ҳамда ҳаво ҳароратининг ўзгаришлари сабабли 19—22 декабрь кунлари республиканинг тоғли ҳудудларида қор кўчиши хавфи бор.
