Марказий банк хорижий валюталарнинг ўзбек сўмига нисбатан 18 ноябрда амалда бўладиган қийматини эълон қилди.
Унга кўра:
- доллар 29,69 сўмга пастлаб, 12 009,92 сўм бўлди;
- евро 58,52 сўмга тушиб, 13 933,91 сўм бўлди;
- рубль 1,37 сўмга пастлаб, 147,80 сўмни ташкил этди.
Бундан аввал доллар курси 3 кунлик пастлашдан сўнг кетма-кет икки кун кўтарилиб, 12 039,61 сўм сўм бўлганди. Октябрь ойи охирларидан бошлаб ушбу валюта курси уч марта 12 минг сўмдан тушди.
Марказий банк таҳлилига кўра, жорий йил 1 ноябрда мамлакат олтин-валюта захиралари қиймати 59,3 миллиард доллардан ошди. Халқаро захираларнинг 10,9 миллиард долларини хорижий валютадаги активлар ташкил этди.
