Мадриднинг “Реал” клуби футболчиси Винисиус Жуниор Испания чемпионатининг 10-туридан ўрин олган “Барселона”га қарши ўйиндан (2:1) кейин ўз фикрлари билан ўртоқлашди. Бу ҳақда Championat нашри хабар берди.
“Барча ‘Реал’ мухлисларига қўллаб-қувватлов учун миннатдорчилик билдирмоқчиман. ‘Эл-Класикo’ — бу ҳар доим ҳиссиётларга бой ўйин. Майдонда ҳам, ундан ташқарида ҳам кўп воқеалар юз беради. Гарчи ҳар доим ҳам осон бўлмаса-да, имкон қадар хотиржамликни сақлашга ҳаракат қиламиз. Бизнинг мақсадимиз — ҳеч кимни, на рақиб футболчиларни, на мухлисларни ранжитиш эмас. Биз майдонга ўз клубимиз шаънини ҳимоя қилиш учун чиқамиз — бугун ҳам айнан шундай бўлди”, деди Винисиус Diario АS нашрига берган интервьюсида.
Маълумот учун, “Реал Мадрид” ҳамда “Барселона” ўртасидаги баҳсда “қироллик клуби” 2:1 ҳисобида ғалаба қозонди. Учрашувдаги голларга Килиан Мбаппе, Жуд Беллингем ҳамда Фермин Лопес муаллифлик қилди. Винисиус Жуниор “Барселона”га қарши баҳсни асосий таркибда бошлаб, 72-дақиқада захирага олдинди.
Ҳозирда “қироллик клуби” 27 очко билан турнир жадвалининг биринчи поғонасидан жой олган. 22 очкоси бор “Барселона” эса 2-ўринни эгаллаб турибди.
