Тошкент аэропортига яқинлашаётганда икки самолёт, жумладан, “Аэрофлот” рейси ҳам зилзила туфайли йўналишини ўзгартиришга мажбур бўлди.
Москвадан учган Россия лайнери қўниш вақтида икки бор айланишни амалга оширишга мажбур бўлган. Самолёт 01:50 да қўнган. Ўзбекистоннинг MyFrighter юк операторининг Афинадан парвоз қилган самолётида ҳам худди шундай ҳолат юз берди. Самолёт кутиш ҳудудида бир оз вақт бўлганидан сўнг Тошкентга қўнган. Бу у олдиндан белгиланган маршрут бўйлаб айланиб, қўнишга рухсат кутганини англатади.
Бундан ташқари, Uzbekistan Airways’нинг айрим рейслари жадвалга ўзгартиришлар киритилган.
Хусусан, 6 октябрь куни Тошкент—Куала-Лумпур—Тошкент йўналишидаги HY553/HY554 рейслари кечикиш билан парвоз қилган. Самолёт Тошкентдан 6 октябрь соат 03:35 да учган.
Шунингдек, 6 октябрь куни Тошкент—Тель-Авив—Тошкент йўналишидаги HY301/302 рейслари ҳам кечикиш билан амалга оширилган. Мазкур рейс Тошкентдан 11:00 да учган. “Ўзбекистон ҳаво йўллари” АЖ ушбу рейслар техник сабаб билан кечикканини маълум қилган.
Маълумот учун, Қирғизистонда 6 октябрга ўтар кечаси 5,7 магнитудали зилзила содир бўлди. Зилзила эпицентри Жалолобод вилоятида, 10 километр чуқурликда жойлашган, у ерда унинг кучи 7,0 баллга етган. Ер силкиниши Ўзбекистоннинг бир қанча вилоятларида, жумладан, пойтахт Тошкентда ҳам сезилди (2-3 балл).
