Тошкентда умумий қиймати 300 миллион сўмдан ортиқ бўлган сифати кафолатланмаган тиббий буюмлар аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, ноқонуний тиббий буюмлар савдоси билан шуғулланиб келган икки фуқаро учинчи шахсга хорижда ишлаб чиқарилган 3 турдаги 7 600 қути жарроҳлик игна ипини 10 000 долларга сотган вақтида ашёвий далиллар билан ушланган.
Тезкор тадбир давомида фуқароларнинг ёнидан сотиш учун олиб келинган умумий баҳоси 214,5 миллион сўмлик 23 турдаги 13 621 дона сифати кафолатланмаган тиббиёт буюмлари ашёвий далил сифатида олинган.
Ушбу ҳолат юзасидан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Аввалроқ Наманганда 15 млрд сўмлик сифати кафолатланмаган дорилар сотилишининг олди олинганди.
