Франсиянинг Ўзбекистондаги элчиси этиб тайинланган Уалид Фук 2025-йил 27-августдан ўз лавозимига киришди. Бу ҳақда элчихона матбуот хизмати хабар қилди.
Элчи жамоатчиликка ўзбек тилида мурожаат йўллаб, маданияти ва меҳмондўстлиги билан машҳур Ўзбекистонда иш фаолиятини олиб боришдан мамнун эканини билдирган.
Шунингдек, Уалид Фук ўзбекистонликларни Франсия билан янги лойиҳалар ишлаб чиқишга ундаш, ёшлар ва мутахассисларни таълим олиш, саёҳат қилиш учун Франсияга таклиф этиш ҳамда фуқароларни Тошкент ва Самарқанддаги Франсуз алянслари фаолиятида фаол иштирок этишга чорлаш унинг фаолиятида устувор йўналишлар бўлишини таъкидлади.
Уалид Фук профессионал дипломат бўлиб, иккинчи даражали давлат хизматчиси мақомига эга. У Париж Сиёсий тадқиқотлар институтида давлат ишлари йўналишида таълим олган. Сўнгра 20102014-йилларда Франсия Ташқи ишлар вазирлигининг Стратегик ишлар, хавфсизлик ва қуролсизланиш бошқармасида фаолият юритган.
20202025-йиллар давомида Франсия Президенти администрациясида Осиё, Океания ва Америка бўйича давлат раҳбари маслаҳатчиси бўлиб ишлаган.
