Ўзбекистоннинг Исроилдаги элчихонаси ракета отишмалари кутилиши муносабати билан ушбу мамлакатда истиқомат қилаётган Ўзбекистон фуқароларига 13 июнь куни огоҳлантириш билан чиқди.
Унда фуқаролар тезкор эҳтиёт чораларини кўриши қатъий тавсия қилинган. Ракета ҳужумлари пайтида тезлик билан бомба бошпаналарига кириш, Исроил ҳукумати ва Ўзбекистон элчихонаси расмий хабарларини кузатиб бориш, Исроил фронторти қўмондонлиги билдиришномалари ва огоҳлантиришларига амал қилиш, шахсни тасдиқловчи ҳужжатлар ва элчихонанинг алоқа маълумотларини доимо бирга олиб юриш сўралмоқда.
Шошилинч ёрдам ёки маслаҳат керак бўлса, Ўзбекистоннинг Исроилдаги элчихонасига қуйидаги телефонлар орқали мурожаат қилиш мумкин:
Фавқулодда ёрдам телефонлари:
- 03-672-2466
- 03-672-2371
- 03-758-5075
- 03-758-5076
Фавқулодда ва шошилинч хабарлар учун:
- 054 485 1397
Электрон почта:
Исроил 13 июнга ўтар кечаси Эронга йирик кўламда ҳужум уюштириб, мамлакат ядровий дастурининг асосий объектлари ва юқори мартабали ҳарбий раҳбарларини нишонга олди. Исроил кейинги ҳаракатларга тайёргарлик кўриш мақсадида ўн минглаб аскарларни жалб қилаётгани таъкидланган. Мамлакат фавқулодда ҳолат эълон қилиб, ҳаво ҳудудини ёпди. Исроил Эрондан жавоб ҳужумини кутмоқда.
Эрон Исроил ҳужумларига қатъий жавоб қайтаришни ваъда берди. “Душманлар қуролли кучлардан қатъий жавоб кутсин. Қуролли кучларимиз бунга ҳар томонлама тайёр ва албатта қатъий жавоб беради”, деган Эрон қуролли кучлари генерали Аболфазл Шекарчи.
