Ўзбекистонда 25 март — “Ер вақти” кунига бағишлаб махсус акция ўтказилади. Бу ҳақда Экология вазирлиги хабар берди.
Маълум қилинишича, акция доирасида барча давлат ташкилотларида электр энергияси бир соатга ўчирилади.
Бундан кўзланган мақсад табиий ресурсларни асраш, тежамкорликка риоя қилиш ва бу орқали сайёрамизга ғамхўрлик кўрсатиш.
Барчангизни ушбу акцияга бефарқ бўлмасликка ва кун давомида атиги 60 дақиқага электр энергиясидан фойдаланмасликка чақирамиз. Бу билан сиз Ернинг табиий бойликларини асраб-авайлашга ўз ҳиссангизни қўшасиз ва бошқаларни ҳам сайёрамизга ғамхўрлик қилишга руҳлантирасиз, дейилади хабарда.
Маълумот учун, ушбу акция 2024 йили ҳам ўтказилган.
