Қашқадарёда мактабда дарс пайти ўқувчи ва ўқитувчи ўртасида жанжал келиб чиқди. Ҳолат акс этган видео ижтимоий тармоқларда тарқалиб, муҳокамаларга сабаб бўлди.
Болалар омбудсманининг хабар қилишича, 17 октябрь куни Қарши шаҳрида жойлашган 32-сонли ўрта таълим мактабининг алгебра фани ўқитувчиси М.М. (аёл) ва 10-“Б” синф ўқувчиси Э.Ў. (2008 йилда туғилган қиз) ўртасида ўзаро келишмовчилик келиб чиқиб, оғзаки тортишиб қолишган. Шундан сўнг ўқитувчи М.М. ўқувчи Э.Ў.нинг юзига урган, ўқувчи қиз ҳам қўл кўтармоқчи бўлганида биргаликда йиқилиб тушган.
Ҳозирда ҳолат юзасидан Қарши шаҳар ИИБ томонидан терговга қадар текширув олиб борилиб, М.М. ва Э.Ў.нинг хатти-ҳаракатларига чора кўриш учун мазкур иш материаллари Маъмурой жавобгарлик тўғрисидаги кодекснинг 183-моддасига (майда безорилик) асосан судга юборилган.
Қашқадарё вилояти Мактабгача ва мактаб таълими бошқармаси ҳам ҳолатга муносабат билдириб, ҳолат бошқарна ва ҳуқуқ-тартибот органлари ходимлари томонидан ўрганилаётганини маълум қилди.
