Тошкент шаҳри Юнусобод туманида жойлашган автомобилларга ёқилғи қуйиш шохобчасида сотилаётган автобензиндан намуна олиниб, лаборатория таҳлилларидан ўтказилганда Аи-92 ва Аи-95 русумли автобензин давлат стандарт талабларига мос келмаслиги маълум бўлди. Бу ҳақда “Ўзэнергоинспекция” ахборот хизмати хабар бермоқда.
Ўрганишлар давомида бу каби ҳолат Шайхонтоҳур туманида жойлашган АЁҚШда ҳам аниқланган.
Мазкур ҳолатлар юзасидан қоидабузарликка йўл қўйган ушбу АЁҚШларда камчиликлар бартараф этилгунга қадар биржа савдоларида иштирок этиши вақтинча тўхтатилган.
Аввалроқ Тошкент вилоятининг Оҳангарон, Янгийўл ва Паркент туманидаги АЁҚШларда ҳам Аи-92 русумли автобензин давлат стандарт талабларига мос келмаслиги аниқлангани хабар қилинган эди.
“Ўзэнергоинспекция” Аи-80 бензинини сотмасдан сақлаб турган заправкалар биржа савдоларида иштирок этиши вақтинча тўхтатилганини эълон қилганди. Сурхондарёда бензиндан “уриб” қолаётган АЁҚШ аниқланганди
