Фарғона вилояти Қўштепа туманида уйининг дарвозаси олдида турган эркакни автомобиль уриб юборди.
Аниқланишича, 1994 йилда туғилган ҳайдовчи Lacetti автомобилини ҳайдаб кетаётганида бошқарувни йўқотган. Оқибатда уйининг дарвозаси олдида турган 57 ёшли фуқарога келиб урилган, оғир тан жароҳати олган жабрланувчи воқеа жойида вафот этган.
Ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда тергов ҳаракатлари олиб борилмоқда.
Аввалроқ Самарқанд вилояти Каттақўрғон туманида Lacetti юқори тезликда келиб, озиқ-овқат дўконига урилгани ҳақида хабар берилган эди.
