Самарқанд вилояти, Пайариқ тумани, Томойрот МФЙ ҳудудидан ўтувчи 4Р-48 автомобиль йўлининг 25 км да 3 октябрь куни соат 21:00 да ЙТҲ содир бўлди. Бу ҳақда Самарқанд вилояти ИИБ ЖХХ ЙҲХБ хабар берди.
Маълум қилинишича, авария Tracker, Nexia-2 ҳамда трактор тиркамаси билан содир бўлган. Ҳодиса оқибатида Nexia-2 ҳайдовчиси тан-жароҳатлари олиб, туман тиббиёт бирлашмасига ётқизилган. Ҳолат юзасидан Пайариқ тумани ИИБ ЖХХ ЙҲХГ томонидан дастлабки суриштирув ишлари олиб борилмоқда.
Аввалроқ Қашқадарёда икки автомобиль тўқнашувидан тўрт киши вафот этгани ҳақида хабар берилганди. Шунингдек, Самарқандда содир бўлган ЙТҲ оқибатида ҳайдовчи вафот этганди.
