Ижтимоий тармоқларда газ баллон ташувчи автомашинада ёнғин содир бўлгани акс этган видео тарқалди.
«Дарё» мухбирининг аниқлаштиришича, ҳодиса Фарғона вилоятининг Учкўприк туманидаги қишлоқда содир бўлган.
Вилоят Фавқулодда вазиятлар бошқармасининг маълум қилишича, 2022 йилнинг 23 февраль куни соат 18:00 да Учкўприк тумани Катта кенагас қишлоғи Каналбўйи кўчасида жойлашган «Кенагас зилол сув» хусусий корхонаси базасида ёнғин келиб чиққан.
Ҳодиса оқибатида бинонинг том қисми ҳамда «Ҳудудгаз» корхонасига қарашли газ баллон ташувчи Isuzu автомашинаси, шунингдек, ушбу транспорт воситасига ортилган 99 дона суюлтирилган газ баллонининг 10 таси ёнган.
Ёнғин оқибатида «Ҳудудгаз» корхонаси туман филиалининг ёлланма ишчиси И.Х. куйиш тан жароҳати олиб, шошилинч тез тиббий ёрдам бўлимига ётқизилган. Ёнғиндан омборхонанинг 80 квадрат метр қисми сақлаб қолинган.
Ҳозирда ёнғин сабаби ва зарари аниқланмоқда. Мавзуга доир:
