Қарши шаҳрида ҳаракатланиб кетаётган автомобиль ёниб кетди

Қарши шаҳридаги Мустақиллик шоҳ кўчасида ҳаракатланиб кетаётган автомобиль ёниб кетди. Бу ҳақда «Дарё»га вилоят Фавқулодда вазиятлар бошқармаси ахборот хизмати раҳбари Соҳиб Ваитов хабар берди.

Маълум бўлишича, бугун, 30 июль куни соат тахминан 10:45 да Қарши шаҳар Фавқулодда вазиятлар бўлимига Қарши шаҳар, Мустақиллик шоҳ кўчасида ҳаракатланиб бораётган автомобилда ёнғин содир бўлаётгани ҳақида хабар келиб тушган.

Хабарга кўра, Қарши шаҳар ФВБ 3-ПЁҚ қисмида 1 та ёнғин-қутқарув бўлинмаси жалб этилган. Ёнғин-қутқарувчилар соат тахминан 10:51 да воқеа жойига етиб бориб, соат 11:05 да ёнғинни тўлиқ ўчирган.

Аниқланишча, ушбу автомобиль Қарши шаҳрида яшовчи фуқарога тегишли Nexia бўлиб, ёнғиндан ҳеч ким куйиш тан жароҳатини олмаган. Ёнғин сабаби ва зарари аниқланмоқда. Мавзуга доир: 

•  Тошкентнинг Себзор кўчасида микроавтобус ёнди (фото)
• Ёймачилар туфайли Асака деҳқон бозори олдидаги кўчада йўл ҳаракати фалаж ҳолатга келиб қолган (фото)