Ифторликка олча ва творог қўшиб шоколадли пирог тайёрлаб кўринг

Мазкур ширинлик нафақат сиз, балки оила аъзоларингиз учун ҳам севимлига айланишига шубҳа йўқ.

Керакли маҳсулотлар:

• музлатилган ёки данаги олинган барра олча — 400 г;
• шоколад — 200 г;
• сариёғ — 120 г;
• тухум — 5 дона;
• шакар — 150 г;
• ванилин — 1 ош қошиқ;
• туз — бир чимдим;
• творог —300 г;
• ун — 150 г;
• разрихлитель — 1 чой қошиқ.

Тайёрланиш жараёни:

• Эритилган шоколадни эритилган сариёғга қўшиб аралаштиринг.
• Қайноқ сувли идиш буғининг устига қўйиб, аралаштиришда давом этинг.
• 3 дона тухумга, шакар, ванилин ва туз қўшиб миксерда аралаштиринг.
• Творогга қолган тухум ва шакар қўшиб аралаштиринг.
• Шоколадли аралашмани творогга  қўшиб миксерда аралаштиринг.
• Ун ва разрихлитель қўшинг.
• Ёғ суртилган патнисга шоколадли аралашманинг учдан бир қисмини солинг.
• Устидан творогли аралашма, кейин эса меванинг ярмини қўйинг.
• Шу кетма-кетликни такрорланг.
• 180 даража қизиган печни 50 дақиқа давомида пишириб олинг.

Ёқимли иштаҳа! Саҳарлик учун рецептлар:

• Саҳарликка тез ҳазм бўладиган ловияли салат рецепти
• Саҳарликка асалга маринадланган товуқ қанотларини​ пиширамиз
• Саҳарликка ўз қўлингиз билан лаваш тайёрланг

Ифторлик учун рецептлар:

• Ифторликка бринзали шарчалар тайёрлаймиз
• Ифторлик дастурхонини пишлоқ қўшилган гулкарамли котлет билан безаймиз
• Ифторлик учун қулупнайли пирог пиширамиз
• Ифторликка қовурма манти тайёрланг