Жазоирда аҳолини COVID-19 коронавирус инфекциясига қарши вакцинация қилиш кампаниясига старт берилди. Бу ҳақда «Интерфакс» хабар қилган.
Мамлакатда Россиянинг «Спутник V» вакцинасини энг биринчи бўлиб Блид шаҳрида яшовчи 65 ёшли эркак қабул қилди. Айнан Блидда Жазоирда биринчи бўлиб коронавирус инфекцияси билан касалланиш ҳолати қайд этилганди.
«Жазоирда вакцинация кампанияси муваффақиятли ўтиши учун барча чоралар кўрилди», — деган мамлакат соғлиқни сақлаш вазири Абдерахан Бенбузид.
Аввалроқ Жазоирга «Спутник V» вакцинасининг дастлабки партияси етказиб берилгани хабар қилинганди. Мамлакат ҳукумати AstraZeneca компаниясининг вакцинаси олиш юзасидан ҳам келишув тузишга уринмоқда.Мавзуга доир: Немис мутахассислари AstraZeneca вакцинасини 65 ёшдан ошганларга тавсия этмади
Жазоирда Россия вакцинаси 2021 йил 10 январда рўйхатдан ўтказилган.Африка қитъасида Миср ҳамда Марокаш давлатларида аҳолини коронавирусга қарши эмлаш ишлари бошланганди.
Ундан олдинроқ Африка ривожланган давлатлардан коронавирусга қарши вакциналарнинг ортиқчасини беришни сўрагани ҳақида хабар берилган. Мавзуга доир:
