Бухоро вилоятининг Когон шаҳридаги Алишер Навоий номли масжид биносида пайвандлаш хавфсизлиги қоидаларининг бузилиши сабаб ёнғин содир бўлди. Бу ҳақда «Дарё»га вилоят Фавқулодда вазиятлар бошқармаси ахборот хизмати хабар берди.
Таъкидланишича, Бухоро вилоят Фавқулодда вазиятлар бошқармасининг навбатчи диспетчерлик хизматига келиб тушган хабарга кўра, масжидда ёнғин кеча, 31 октябрь куни соат 16:40 да содир бўлган.
Қутқарув экипажи ёнғин жойига етиб боргунга қадар ёрдамчи бинонинг 35 метр/квадрат том қисми ёнган. Ёнғин бинодаги пайвандлаш ишларида хавфсизлик қоидаларининг бузилиши оқибатида келиб чиққанлиги маълум бўлган.
Қайд этилишича, ёнғин содир бўлаётган ҳудуд қутқарувчилар томонидан соат 16:46 да ўраб олинган ҳамда соат 17:00 да ўчирилган. Ёнғин оқибатида фуқароларнинг куйиш ва тан жароҳати олиши кузатилмаган. Мавзуга доир:
