Фарғона вилояти Ўзбекистонда биринчи бўлиб пахта топшириш режасини бажарган эди. Андижон вилояти республикада иккинчи бўлиб пахта топшириш режасини бажарди.
«Халқ сўзи Online»нинг хабар беришича, вилоят пахтакорлари 16 октябрь ҳолатига кўра, давлатга 240 минг 800 тоннадан ортиқ пахта топширган.
«Вилоятнинг улкан пахта хирмонини бунёд этишда Пахтаобод, Булоқбоши, Қўрғонтепа, Жалақудуқ, Олтинкўл, Избоскан, Улуғнор ва Марҳамат туманлари меҳнаткашларининг хизматларини алоҳида таъкидлаб ўтмоқ керак. — дейди вилоят ҳокими Шуҳрат Абдураҳмонов вилоят пахтакорларига йўллаган табрик матнида. — Ушбу туманлар бугунги кунга қадар белгиланган шартномавий режасини шараф билан адо этишда бошқа туманларга ибрат намунасини кўрсатдилар».Мавзуга доир: Андижон вилоятининг Булоқбоши тумани миришкорларига автомобиллар совға қилинди
