Ўзбекистоннинг олтита ҳудудида қор кўчиш хавфи эълон қилинди

Ўзбекистоннинг олтита ҳудудида қор кўчиш хавфи эълон қилинди. Бу ҳақда “Ўзгидромет” хабар берди.

Маълум қилинишича, бунга 9-15 апрель кунлари кутилаётган ёғингарчилик ҳамда ҳаво ҳароратининг ўзгаришлари сабаб бўлади.

Шу боисдан, республиканинг қуйидаги тоғли ҳудудларида қор кўчиш хавфи эълон қилинади:

• Қашқадарё вилояти: Деҳқонобод, Китоб, Қамаши, Шаҳрисабз туманларида;
• Сурхондарё вилояти: Бойсун, Қумқўрғон, Сариосиё, Узун туманларида;
• Самарқанд вилояти: Нуробод, Қўшработ, Самарқанд, Ургут туманларида;
• Жиззах вилояти: Бахмал, Зомин туманларида; 
• Тошкент вилояти: Бўстонлиқ, Паркент, Оҳангарон, туманлари (Чотқол тизмаси тоғлари);
• Наманган вилояти: Поп тумани.