Қиз йигитини 14 минг долларга қул қилиб сотиб, Таиландга дам олишга кетди

Хитойда 17 ёшли қиз севгилисини 14 минг долларга қул қилиб сотиб, Таиландга дам олишга кетди. Бу ҳақда The Times хабар берди.

Маълум қилинишича, 19 ёшли йигит Гуанчжоудаги билярд клубида бир қиз билан танишиб қолган. У ўзини бадавлат меросхўр деб таништирган, шундан сўнг иш ва “қариндошлик алоқалари”ни ваъда қилиб, уни Мьянмага боришга кўндирган. Аммо чегара яқинида йигитни қуролланган фирибгарлар олиб кетган, қиз эса ғойиб бўлган.

Йигит тўрт ой давомида Мьянмада жойлашган Triumph Industrial Park деб аталувчи ноқонуний “фирибгарлик фабрикаси”да мажбурий меҳнат қилган. У киберфирибгарлик билан шуғулланишга мажбурланган, доимий калтакланган, 16–20 соатлаб компьютер қаршисида ушлаб турилган. Оқибатда йигит 10 килограмм вазн йўқотган ва қисман эшитиш қобилиятидан айрилган.

Фирибгарлар унинг оиласидан 350 минг юан (48 минг доллардан ортиқ) товон талаб қилган. Оиласи бу пулни тўлагач, йигит қўйиб юборилган. Бу вақт ичида қиз Таиландга бориб, пулнинг бир қисмини дам олишга сарфлаган. Хитойга қайтганда у ҳибсга олинган ва фирибгарликда айбланган. Қиз фирибгарликдаги иштироки эвазига 100 минг юан (салкам 14 минг доллар) олганини тан олган.