Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола қиламиз.
Қизиқчи Шукурулло Исроилов маданият вазири Озодбек Назарбеков билан тушган архив суратини саҳифасига жойлади.
1 апрель куни “Халқлар дўстлиги” санъат саройида “Миллион” кулги жамоасининг концерт дастури бошланди. Жамоа аъзоси Мўмин Иброҳимов биринчи кунданоқ хавфли трюк бажариб, томошабинлар эътиборини тортди.
Шаҳзод Султонов янги сериалда ички ишлар ходими образини гавдалантиради.
АҚШда истиқомат қилувчи таниқли хонанда Отабек Мадраҳимов қизини туғилган куни билан табриклаб, саҳифасига унинг суратини жойлаштирди.
Ҳамдам Собиров мухлисларига янги қўшиқ устида иш олиб бораётгани ҳақида сўзлаб берди.
Ёрқинхўжа Умаров Туркиянинг Истанбул шаҳридан кўриниш берди.
Муниса Ризаеванинг мухлисларидан бири унинг Тошкент шаҳридаги “бирров” хизмати нархи билан танишди. Маълум бўлишича, хонанда пойтахт тўйларида 4 та қўшиқ куйлаб бериши учун 1 500 доллар олади. Битта қўшиқнинг тахминан 3-4 дақиқа давом этиши ҳисобга олинса, хонанда бу пулни 12-15 дақиқада топади.
Илк бор она бўлган спортчи блогер Асал Сапарбоева фарзанди билан тушган суратини саҳифасига жойлади.
Хонанда Зоҳиршоҳ Жўраев илк бор онаси ҳақида сўзлаб берди. “Онам ҳақида гапирсам, бу кўрсатув етмайди. Биз доим отам-отам деганимизга онам кўзга кўринмаган. Лекин мен бир нарсани айтаман, бизнинг шу даражага келишимизга Шерали Жўраевнинг номи бўлса, онамнинг меҳнати кетган”, дейди хонанда.
Изоҳ (0)