46 ёшли италиялик мутахассис Андреа Пирло Бирлашган Араб Амирликларининг “Дубай Юнайтед” клубига бош мураббий сифатида расман тайинланди. Бу ҳақда клуб матбуот хизмати расмий сайт орқали маълум қилди.
2006 йилги жаҳон чемпиони, ўз даврининг энг таниқли ярим ҳимоячиларидан бири бўлган Андреа Пирло жамоамизнинг бош мураббийи сифатида иш бошлаганини мамнуният билан эълон қиламиз. Ушбу тайинлов “Дубай Юнайтед” тарихида янги саҳифани очади ва БАА футболининг халқаро майдондаги амбицияларини акс эттиради, — дейилади клуб расмий баёнотида.
Пирло футболчилик фаолиятини 2017 йилда якунлаган. У профессионал мураббий сифатидаги фаолиятини 2020 йилда “Ювентус” клубида бошлаган. Дастлаб клубнинг ёшлар тизимида ишлаган мутахассис биринчи мавсумдаёқ асосий жамоа билан Италия Суперкубоги ва Италия Кубогини қўлга киритган.
Кейинчалик Пирло Туркиянинг “Фатиҳ Карагюмрук” клубида қисқа муддат ишлаган, сўнгги фаолият жойи эса Италия А Сериясининг “Сампдория” клуби бўлди.
Изоҳ (0)