“Ишдаги ишқ” совет фильмидаги ушбу хатоликка кинонинг биринчи қисмида гувоҳ бўлишимиз мумкин. Гап Новосельцев Шурага от ҳайкалини мажлислар хонасига олиб киришга ёрдам берган эпизод ҳақида кетмоқда. Сюжетга кўра, айни пайтда қаҳрамон Людмила Калугина (Алиса Фрейндлих) котиба Верочка (Лия Ахеджакова) ёрдамида чиройли қадам ташлашни ўрганаётган бўлган.
Хонага нотаниш одамлар кириб келганда, Калугина шошилиб жигарранг пиджагини кияди, лекин тугмаларни қадашга улгурмайди.
Сўнг Калугина тугмаси ёпиқ кийимда Новосельцев билан суҳбатлашган кадр пайдо бўлади. Новосельцев ҳайкални столга қўйиш вақтида йиқилиб тушади. Шу вақт Калугина пиджак тугмалари қадалган ҳолда унга ёрдам беради.
Режиссёр Элдар Рязановнинг “Ишдаги ишқ” фильми 1977 йили Мосфильм томонидан суратга олинган. Мана деярли ярим асрдан буён ушбу комедия кўплаб томошабинлар кўнглини забт этиб келмоқда. Фильм Элдар Рязановнинг Эмил Брагинский билан бирга театр учун ёзган “Ҳамкасблар” номли қиссаси асосида суратга олинган ва 1979 йил РСФСР Давлат мукофоти билан тақдирланган.
Фильмда Москвадаги статистика қўмитасининг турмушга чиқмаган раҳбари Людмила Калугина ва унинг қўл остида ишловчи иқтисодчи ходим Анатолий Новосельцевнинг нафрат билан бошланган муносабатларининг севгига айланиши кўрсатиб берилган.
Изоҳ (0)