Французлар ўхшаши йўқ Vision 1789 гиперкарини яратди (фото)
Унчалик ҳам машҳур бўлмаган Vision Automobiles Paris дизайнерлик уйи 1789 йилда Францияда содир бўлган инқилоб шарафига яратилган Vision 1789 пойга автомобилининг суратлари билан бўлишди. Биометанда ҳаракатланиши керак бўлган суперкардан нафақат пойга трассасида, балки умумий йўлларда ҳам фойдаланиш мумкин, деб хабар беради CARakoom.
Vision 1789 олд қисмига массив сплиттер ўрнатилган футуристик кузовга эга. Олд ғилдирак аркалари шундай усулда яратилганки, ғилдиракларнинг нафақат ташқи томони, балки ичини ҳам ҳеч қандай муаммосиз кўриш мумкин.
Мазкур рендерингга машинанинг олд қисмига қўшилиб кетган олд ойна қўшимча жозиба бағишлайди, у орқали олд «подвеска»нинг элементларини кўриш мумкин.
Суперкар унчалик катта бўлмаган, орқани кўришга мўлжалланган анъанавий ойналар билан жиҳозланган. Ён томонларида Veenturi деб номланувчи туннеллар бўлиб, у аэродинамиканинг яхшиланишига хизмат қилиши керак.
Ҳайратланарли ташқи кўринишга орқа қисмидаги улкан диффузорлар якун ясайди, улар шаффоф секциялар, ингичка орқа ёруғлик фонарлари ва орқа антиқанотларни ўз ичига олган.
Мавзуга доир: Видео: Lamborghini Huracan Evo суперкарини йиғиш жараёни
Моделнинг интерьери ҳам экстерьери каби ҳайратланарли. Спорт ўриндиқлари илмий-фантастик фильмлардаги ўзга сайёраликларники каби кўринишга эга. Ҳайдовчининг рўпарасида дисплей билан интеграллашган худди пойга машиналаридаги каби руль чамбараги ўрин олган.
Мавзуга доир: Фото: «Капалак қанотли» янги Maserati суперкари
