Баъзида нотўғри танлов энг идеал қоматни ҳам беўхшов кўрсатади. Cosmopolitan нашри танловда адашмаслик учун бир неча тавсиялар беради.
Белнинг пастида турадиган шим ва юбкалар
Бундай модалар визуал даражада бўксани чўзади ва оёқларни қисқа кўрсатади. Асосий эътибор тананинг кенг қисмига қаратилгани сабаб бу танловда аёл ўз шаклини йўқотади.
Кенг кўйлак
Кўпгина қизлар ўз қоматларидаги камчиликларни яшириш учун кенг кўйлакларни танлайди. Бундай либосда ҳар қандай қомат шаклсиз кўринади. Сиз ўзингизга ноқулай бўлган қопдек кўйлаклардан воз кечиб, ихчам либосларни танланг.
Йўл-йўл чизиқли либослар
Ёрқин, контрастли горизонтал чизиқлар қоматни кенгайтиради ва тана квадратга ўхшаб қолади. Бундай йўл-йўл чизиқли кийимларни кийишдан эҳтиёт бўлинг. Либослардаги шакл, гул, нуқталар ва вертикал чизиқларга аҳамият беринг.
Узун юбка
Кўп қизлар хато қиладиган хавф – узунлик. Узун текис юбкалар танани тўғри тўртбурчак шаклга айлантиради. Шунингдек, қадам ташлаганда юбка ост қисми кўтарилиб, юришга ноқулайлик туғдиради.
Елкаси очиқ либослар
Очиқ елкали кўйлак ва блузкалар тананинг юқори қисмини визуал даражада кенгайтиради. Бундай модалар тана ҳажмини катта кўрсатади. Агар сиз танангизга зарар беришни хоҳламасангиз, ёпиқ елкали либосларни танлашга ҳаракат қилинг.
Улама кўйлак
Бундай кийим энг мукаммал қоматни ҳам бузиши мумкин. Агарда сиз елка, бел ва оёқларингиз қисқа кўринишини истамасангиз, бундай модалардан воз кечинг.
Кюлотлар
Кўплаб қизлар кюлотлар билан замонавий ва уйғун тасвирни яратишга қодир эмас. Муаммо оёқларнинг узунлиги ва кенглигида. Бундай ҳолда кюлотлар визуал даражада оёқларни кесиб кўрсатади. Тананинг пастки қисми массив кўринишининг олдини олиш учун етишмаётган узунликни юқори қисм билан тўлдиринг. Кюлотни контрастли пайпоқлар ва тизза тепасига тушувчи кофталар билан киймаслик керак.
Балет пойабзали
Балетка — маккор пойабзал. Улар бўй узунлигидаги сантиметрларни ўғирлаб, сизни пакана қилиб кўрсатади. Ва юқорида саналган рўйхатдаги кийимлар билан бу мода муваффақиятсизликка учрайди.
Изоҳ (0)