Зидан Ла Лиганинг сўнгги тури учун «Реал» қайдномасини эълон қилди. Унда Бэйл ва Хамес йўқ
Мадриднинг «Реал» жамоаси Ла Лиганинг сўнгги — 38-турида «Леганес» майдонига сафар қилади.
Ўйин Тошкент вақти билан 19 июлдан 20 июлга ўтар кечаси 00:00 да бошланади.
Мадрид клуби устози Зинедин Зидан ушбу баҳсда майдонга тушиши мумкин бўлган футболчилар рўйхатини эълон қилди. Учрашувни Марсело жароҳат сабаб ўтказиб юборади. Хамес Родригес, Эден Азар ва Гарет Бэйл каби футболчилар қайдномага киритилмаган. Маълумотларга кўра, Бэйл ва Хамес Зидандан ўзларини қайдномага киритмасликни сўраган. Иккала футболчи ҳам айни дамда ўзига бошқа клуб қидираётгани таъкидланмоқда.
Эслатиб ўтамиз, «Қироллик клуби» ўтган турда чемпионлик масаласини ҳал қилиб қўйган.
Ўйин қайдномасига киритилган 22 нафар футболчи билан танишинг:
Дарвозабонлар: Тибо Куртуа, Алфонс Ареоля, Диего Алтубе.
Ҳимоячилар: Дани Карвахаль, Эдер Милитао, Серхио Рамос, Рафаэл Варан, Начо, Ферлан Менди.
Ярим ҳимоячилар: Тони Кроос, Лука Модрич, Каземиро, Федерико Вальверде, Иско.
Ҳужумчилар: Карим Бензема, Лукас Васкес, Лука Йович, Марко Асенсио, Браим Диас, Мариано Диас, Винисиус Жуниор, Родриго Гоэс.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
