Бугун,

  • USD 10940.05
  • RUB 182.26
  • EUR 11121.65

Ўзбекистон Республикаси Фавқулодда вазиятлар вазирлиги Шаҳрисабз «Темурбеклар мактаби» ҳарбий-академик лицейига ўқитувчилар танлов асосида ишга қабул қилинмоқда.

Фавқулодда вазиятлар вазирлиги тасарруфида Шаҳрисабз «Темурбеклар мактаби» ҳарбий-академик лицейи ташкил этилмоқда. Мазкур лицейга 5 йил узлуксиз педагогик иш стажига эга бўлган ўқитувчилар ишга таклиф қилинади.

«Темурбеклар мактаби»нинг ўқитувчилари ва бошқа ходимларига «Темурбеклар мактаби»нинг тегишли лавозимлари учун белгиланган меҳнатга ҳақ тўлаш шарт-шароитлари тизими татбиқ этилади. «Темурбеклар мактаби» ишчи ва хизматчилари сонидаги ходимларининг базавий тариф ставкалари:

— директор ва унинг ўринбосарлари, ўқитувчилар, ўқув бўлими ходимлари учун – 5 баробар;— тўгарак (сексия) раҳбарлари ва психологлари учун – 3 баробар;— ахборот-ресурс маркази (кутубхона), ахборотлаштириш ва алоқа бўлинмалари ходимлари, инструкторлар ва лаборантлар учун – 2 баробар миқдорда тўланади.

«Темурбеклар мактаби»да ишлаш учун қуйидаги фанлардан дарс берувчи ўқитувчилар ишга таклиф этилади:

  • она тили ва адабиёти;
  • рус тили ва адабиёти;
  • тарих;
  • инглиз тили;
  • физика;
  • астрономия;
  • алгебра;
  • геометрия;
  • кимё;
  • биология;
  • география;
  • маънавият асослари;
  • давлат ва ҳуқуқ асослари;
  • жисмоний тарбия;
  • информатика ва ахборот технологиялари;
  • чақирувга қадар бошланғич тайёргарлик.
Мактаб манзили: Қашқадарё вилояти, Шаҳрисабз шаҳри, Тепарлик кўчаси 1-уй (Шаҳрисабз иқтисодиёт касб-ҳунар коллежи ўрнида). ФВВ Шаҳрисабз «Темурбеклар мактаби» ҳарбий-академик лицейида ишлашни хоҳловчи ўқитувчилар 2020 йилнинг 29 апрель – 13 май кунлари Қорақалпоғистон Республикаси, вилоятлар ва Тошкент шаҳар Фавқулодда вазиятлар бошқармаларида қабул қилинади. Қабул вақти душанба—шанба 9:00-13:00, 14:00-18:00. (тушлик: 13:00-14:00, дам олиш куни якшанба).

Танловда иштирок этиш учун номзодлар томонидан қуйидаги ҳужжатлар тақдим этилади:

  • танловда иштирок этиш учун ариза;
  • паспорт нусхаси;
  • меҳнат дафтарчасининг белгиланган тартибда тасдиқланган нусхаси;
  • олий маълумот тўғрисидаги диплом ёки ваколатли давлат органининг хорижий таълим муассасасида олинган олий маълумот тўғрисидаги ҳужжатга мувофиқлик олинганлиги тўғрисидаги гувоҳнома;
  • 3,5х4,5 см ўлчамдаги 4 дона рангли фотосурат;
  • ҳарбий ҳисобга олиш ҳужжатлари нусхалари (ҳарбий хизматга мажбурлар ва ҳарбий хизматга чақирилувчи шахслар учун);
  • ўтказилган аттестасия натижалари бўйича берилган сертификат нусхаси, номзоднинг резюмеси  (объективка);
  • эришилган ютуқлари бўйича маълумот (тасдиқловчи ҳужжатлари билан).
Қўшимча маълумотлар билан ФВВнинг расмий веб сайти орқали танишиш мумкин.

Изоҳ
Асосий янгиликлар