Футбол бўйича Англия Премьер Лигасининг 9-тур баҳслари доирасида 19 октябрь, шанба куни 8 та ўйин якунланди.
Фрэнк Лэмпард қўл остидаги Лондоннинг «Челси» клуби «Стемфорд Бриж»да «Ньюкасл»ни қабул қилди.
Учрашувдаги ягона гол 73-дақиқада урилди. Унга «аристократлар» ҳимоячиси Маркос Алонсо муаллифлик қилди.
Шу тариқа «Челси» «Ньюкасл»ни кичик 1:0 ҳисобида мағлубиятга учратиб, муҳим 3 очкога эга бўлди.
Ушбу ғалабадан сўнг «Челси»нинг очкоси 17 тага етди ва жамоа мусобақа жадвалида 4-ўринга кўтарилиб олди. «Ньюкасл» эса 8 очко тўплаб, 18-ўринда бормоқда.
Шу куни Маурисио Почеттино бошқарувидаги Лондоннинг бошқа бир клуби «Тоттенҳэм» ўз майдонида «Уотфорд» билан баҳсга киришди.
Беллашувнинг 6-дақиқасидаёқ меҳмон жамоа ярим ҳимоячиси Абдулай Дукуре ҳисобни очган бўлса, 86-дақиқага келиб «шпорлар» аъзоси Деле Алли ҳисобни тенглаштирди.
Баҳс якунига кўра «Тоттенҳэм» ўз уйида «Уотфорд» билан 1:1 ҳисобида дуранг ўйнади ва томонлар бир очкодан бўлишиб олди.
Маълумот учун, «Тоттенҳэм» 12 очко жамғарган ҳолда мусобақа жадвалида 7-ўринни банд қилиб турибди. Сўнгги ўринда бораётган «Уотфорд» эса 4 очко йиғган.
Хосеп Гвардиола бошлиқ «Манчестер Сити» эса сафарда «Кристал Пэлас»ни синовдан ўтказди.
Ўйин давомида «шаҳарликлар» вакиллари Габриэль Жезус (39) ҳамда Давид Сильва (41) рақиб дарвозасига биттадан тўп киритди.
Шу тариқа «манкунианлар» меҳмонда кечган баҳсда «Кристал Пэлас» устидан 2:0 ҳисобидаги ишончли ғалабани қўлга киритди.
Қайд этиш жоиз, мазкур ғалабадан сўнг мусобақа жадвалида 2-ўринда бораётган «Сити» очколари сонини 19 тага етказиб олди. «Кристал Пэлас» эса 14 очко билан 6-ўринни эгаллаб турибди.
АПЛ
9-тур баҳслари
19 октябрь, шанба
«Эвертон»—«Вест Ҳэм» 2:0
Голлар: 1:0 — 17 Бернард, 2:0 — 90 Сигурдссон«Астон Вилла»—«Брайтон» 2:1
Голлар: 0:1 — 21 Уэбстер, 1:1 — 45 Грилиш, 2:1 — 90 Таргетт«Борнмут»—«Норвич» 0:0
«Челси»—«Ньюкасл» 1:0
Гол: 1:0 — 73 Алонсо«Лестер»—«Бёрнли» 2:1
Голлар: 0:1 — 26 Вуд, 1:1 — 45 Варди, 2:1 — 74 Тилеманс«Тоттенҳэм»—«Уотфорд» 1:1
Голлар: 0:1 — 6 Дукуре, 1:1 — 86 Алли«Вулверҳэмптон»—«Саутҳэмптон» 1:1
Голлар: 0:1 — 53 Ингз, 1:1 — 61 пенальти Хименес«Кристал Пэлас»—«Манчестер Сити» 0:2
Голлар: 0:1 — 39 Габриэль Жезус, 0:2 — 41 СильваЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)