ЖЧ—2018. Швеция Швейцарияни мағлуб этиб, чорак финалга чиқди

Бугун, 3 июль санасида футбол бўйича Россия майдонларида бўлиб ўтаётган Жаҳон Чемпионати нимчорак финал баҳслари якунига етади. Кун тақвимидан одатга кўра икки учрашув ўрин олганди. Улардан биринчиси ниҳоясига етди.

Дасткабки ўйин Германияни гуруҳда қолдириб кетган Швеция ҳамда Бразилиядан кейин ўз гуруҳида иккинчи бўлган Швейцария ўртасида кечди. Учрашувнинг биринчи бўлимида ҳисоб очилмади. Иккинчи бўлимнинг 66-дақиқасида Эмил Форсбергнинг зарбаси йўл-йўлакай Аканжига тегиб, Ян Зоммер қўриқлаётган Швейцария дарвозасидан ўрин олди. Сўнгги дақиқаларда Михаил Ланг сўнгги умид фоли учун майдондан четлатилди.

1:0 ҳисоби эса ўзгармай қолди. Шу тариқа Швеция чорак финалга йўл олди. Шведлар ¼ финалда Колумбия—Англия жуфтлиги ғолибига қарши кураш олиб боради.