2018 йили 9 628 та умумтаълим мактабининг 475 276 нафар 9-синф битирувчиси 11 йиллик таълим тизимининг 10-синфига ва академик лицейларнинг биринчи босқичига жалб қилинди. Бу ҳақда Халқ таълими вазирлиги матбуот хизмати хабар берди.
2017—2018-ўқув йилининг якунига бағишланган тадбирлар 25 май, жума куни барча мактабларда эрталаб соат 08:30 да бошланади ва соат 10:00 да якунланади.
Тадбирларда келгуси ўқув йилидан бошланғич синфларда ҳафтасига 5 кунлик ўқиш тизимига тўлиқ ўтилиши тўғрисида ота-оналарга маълумот берилади. Ўқув йили давомида республика ва халқаро фан олимпиадалари, мусиқа танловлари ва спорт мусобақаларида муваффақиятли иштирок этган, билимлар беллашуви, инновацион олимпиада ва «Умид ниҳоллари»да фаол қатнашган, аъло баҳоларга ўқиган, босқичли назорат имтиҳонларидан озод бўлганлар фахрий ва мақтов ёрлиқлари билан тақдирланади.
Изоҳ (0)