Самарқанднинг Рудакий (собиқ Титов) ва Гагарин кўчалари кесишмасида йўлнинг бир қисми ўпирилиб тушди. Ҳодиса оқибатида акс этган суратлар ижтимоий тармоқларда эълон қилинган.
Хабар беришларича, ҳодиса 8 октябрь куни тонгда юз берган. Йўл қопламаси нима сабабдан ўпирилиб тушгани номаълум. Ҳодиса оқибатида жабрланган фуқаролар ҳақида маълумотлар йўқ.
Ижтимоий тармоқларда мазкур ҳолатга ҳазил аралаш фикр билдирган фойдаланувчилар кўплаб топилади. Хусусан, «Шаҳар ўртасида бассейн», «Самарқандда трамвай йўлидан сўнг метро қурилиши бошланди», «Метеорит қолдирган из» қабилидаги фикрларни кўплаб учратиш мумкин.
Изоҳ (0)