Тошкентнинг «Пахтакор» клуби бразилиялик футболчи билан шартнома тузди, деб ёзди «Championat.asia» нашри.
1987 йилнинг 17 февраль куни таваллуд топган Тиаго Кейруш Безерра ҳужумчи амплуасида тўп суради. У Бразилия пойтахтида дунёга келган ва фаолиятининг асосий қисмини Туркия клубларида ўтказган.
Безерранинг сўнгги жамоаси «Адана Демирспор» ҳисобланади. Transfermarkt маълумотига кўра, ҳужумчининг нархи 400 минг еврони ташкил қилади. Аммо у «Пахтакор» сафига эркин агент сифатида етиб келган.
«Пахтакор» бош мураббийи Шота Арвеладзе Туркияда фаолият олиб боргани учун, маҳаллий клублар ҳақида яхши маълумотга эга.
Тиаго Кейруш футболчилик даврида 214 та ўйин ўтказган ва 69 та гол уришга муваффақ бўлган.
«Пахтакор» бунгача черногориялик ҳимоячи Марко Симич билан 2,5 йиллик шартнома имзолаган бўлса, кейинроқ исроиллик ярим ҳимоячи Гиди Канук билан музокара ўтказаётгани борасида хабар чиққанди.